ഒരു യാത്രാമൊഴി ചൊല്ലാതെ
•*´¯♥✿✿⊱╮*♥* ♥* ✿✿⊱⊱•*
 |
ഈ മലരണിക്കാടും
മരംകോച്ചും തണുപ്പും
മഞ്ഞുപെയ്യുംമലന്ചരിവും
ഈ മൃദുലാളനങ്ങളും
മണ്ണിന്മാറിലിറ്റിറ്റുവീഴുമാ
മഞ്ഞിന്കണങ്ങളും
മിഴിക്കോണിലൊളിപ്പിച്ച
നിന് മൌനാനുരാഗവും
മയില്പ്പീലിപോലൊരു
മൃദുസ്പര്ശവും
സ്വപ്നംകണ്ടു ഞാനുറങ്ങവേ
മിഴിവൂറും നിന്നോര്മകളില്
ഞാന് തീരവെ മഞ്ഞു
മൂടിക്കിടന്നിരുന്നെന്
നഷ്ടസ്വപ്നങ്ങളെ
മൌനത്തില്നിന്നു
നീയെന്തേ മോചിപ്പിച്ചൂ ?
മനസ്സിന് പാനപാത്രത്തില്
മധുനിറച്ചു നീയെന്നെ
മായക്കാഴ്ചകള് കാട്ടിയില്ലേ ?
മോഹങ്ങളും മോഹഭംഗങ്ങളും
ഇഴചേര്ന്നെന്നില്
മദനനൃത്തമാടിയില്ലേ ?
മനസ്സിന് ലോലതന്ത്രികളില്
വിരല്മീട്ടിയെന്നെ
മാദകരതിഭാവം കാട്ടിയില്ലേ ?
എങ്ങുനിന്നോവന്നുനീ ,
എവിടേയ്ക്കോപോയിനീ ,
ഒരുയാത്രാമൊഴിപോലും ചൊല്ലാതെ ,
എന്മിഴിനീര് കാണാതെ,
എന്നോടൊന്നും പറയാതെ
ഒരു സാന്ത്വനം ചൊരിയാതെ
എന്ജന്മസുകൃതം നീ
എന്മോഹസ്വപ്നം നീ,
ഞാനെന്ന സത്യം നിനക്ക്സ്വന്തം
എന്ജന്മം നിനക്കായിമാത്രം
എന്പ്രണയം നിനക്കായ്മാത്രം
എന്ജീവനേ നിന്നെയോര്ത്തു
ഞാന് കാത്തിരിപ്പു
എന്നനുരാഗസാഗരം
നിനക്കായ് തരാന് ..........
•.¸¸.•★•.¸¸.••.¸¸.•★•.¸¸.••.¸¸
•.¸¸.•★•.¸¸.••.¸¸.•★•.¸¸.••.¸¸
No comments:
Post a Comment